O conselleiro de Economía e Industria, Javier Guerra, presentou as convocatorias dos programas de préstamos directos do Igape e do Programa Innoempresa, publicadas o pasado 30 de maio no Diario Oficial de Galicia, “deste xeito a Xunta mantén o seu compromiso de apoio aos novos investimentos e a mellora da competitividade do tecido empresarial na procura de consolidar o crecemento do tecido produtivo e da economía de Galicia”. A Consellería de Economía e Industria destina un total de 58,5 millóns de euros para este fin.
O programa de préstamos directos do Igape para 2011 está destinado a financiar tanto novos proxectos empresariais como ao financiamento de actuacións de ampliación ou modernización de instalacións xa existentes. O programa Innoempresa está orientado a dar pulo á “vontade de crecemento e capacidade de innovación das empresas”, salientou Guerra.
Para máis información pode consultar a web do Igape.

Fontes: ABC, Igape